Kreuz
De Jakob Hess vo de „Sillematt“, hät mängs Joor im „Chrüz“, wisewii vom Gmäindshuus gwirtet.
Villi Puure vo usset em Dorf, aber au vill Arbäiter und Aagschtellti im Dorf händ bi imm vercheert.
Esoo notürli immer au en Täil von Walder Pöschtler. Der Emil Walder, äine von ene, ischt immer öppe uf em Häiwääg „no vertschlipft“. Eer hät schiints de Frau vo de Tuur häi müese drüü Totz Eier bringe, und ischt debei ämmeö mit siiner Täsche au no im „Chrüz“ verhocket.
Di gchaufte Eier heb eer uf em Fäischtersims abgschtellt ghaa. Do hät en Spassvogel de Wiirti gsäit: „Wännt id Chuchi goscht go Spiegeleier brötle, spänd ich der d Eier dezue.
Glii händ esoo di erschte „Stammgescht“ iri „Stierenauge“ übercho.
D Frau Walder, won ire Ma ischt cho sueche, hebi mer grad au iiglade zum Mittässe. Sii hebi sogar de Maa ermunteret: „Emil iss, du bruchscht dänn nüüt me Znacht!“
No eme gmüetliche Oobig sejged s Walders dänn häizue. Deet hebi dänn aber „o häilige Schreck“, em Poschtler si Frau gmerkt, dass sii ghulffe hät di äigne Eier z ässe.
