Glocken-Geist
Es hät emol gheisse, jede Morge gseht mer en Geischt im Chileturm obe. Glii hät mer aber usegfunde, wie das gsii isch: Will de Sigrist nüme eso hät möge rüh ufstoh, aber mer hät müese Glogge vo Hand lüüte, hät sich de Beck Volleweider bereit erklärt, er ghängi in Turm ue go lüüte. Will er e wissi Bäckerschoss aa gha hät, häts die vom Wind vo de Glogge, wo hin und her gschwunge händ, immer eso umegwindet. Das hät vo de Stross us dänn amigs uusgseh, wie wenn es wisses Gspengscht im Turm obe wär.
